Atabae Ana sole benu rae, mola potam hati-hati pua ro sia rae, kase buti no rae, kase metam no rae, kase mgee no rae, kase abe-abe no rae,... pua sogoo tua, tai lohag mligu rae Atabae, isi mligu pua sai, nae peri video ana sia nogo ori nurat hali rae moas hati.
Imi seri nae video sia nogo abe tai sura tara, dia bisa naba los, gala nurat peri Atabae no rambata gmeesa bisa bali, rasa Meguir tee ria ponte Loes. Ita sabar anan romo e la iskola, nurat hali muna ita iskola hati, ita mos gala mrapok ala pere sabar ana bosia ne plai dia video lara nua.
Aii sabar romo, au hakerek ita liar hu'u ema, tuka tai la sai,... imi hakerek hali la!
lima hatii: Jano Bere Buti (Kemak versaun Atabae postu tuan)
lelo sa'e heu (dader kmanek), Cidade Masaka, Africa Leste.
No comments:
Post a Comment